10599

Tibetan	གཟུ་བོ་འདུལ་བ་འཛིན་པས་རྩོད་པ་རབ་ཏུ་གཟུང་བར་འདོད་ན་གནས་བཅུ་དྲུག་ཏུ་བརྟགས་ལ་གདོད་རྩོད་པ་གཟུང་བར་བྱ་བའི་དོན་བཅུ་དྲུག
Tibetan Alternate
Tibetan Definition	དེ་ཡང་། འདུལ་བ་གཞུང་དམ་པ་ལས་བྱུང་བ་སྟེ། དང་པོ། བདག་གཞན་གཉིས་སུ་བརྟག་པ་ལས་བདག་ལ་བརྟག་པ་རྣམ་པ་བརྒྱད་ནི། 1.ཅི་བདག་རྩོད་པའི་ཐོག་མ་དང་། བར་མ་དང་། ཐ་མ་ལ་མཁས་པ་ཡིན་ནམ། 2.ཅི་བདག་རྩོད་པ་དེ་ལ་ཐོག་མ་ནས་མ་འདྲེས་སམ། 3.རྒོལ་བ་དང་། ལན་གློན་པའི་དགེ་སློང་གིས་བདག་གི་ཚིག་འཛིན་ཏམ། 4.རྒོལ་བ་དང་། ལན་གློན་པའི་དགེ་སློང་གིས་བདག་གི་ཚིག་ཉན་ཏམ། 5.རྒོལ་བ་དང་། ལན་རློན་པའི་དགེ་སློང་དག་གི་ཉེས་པ་བདག་གིས་རྣམ་པར་སྦྱངས་ནུས་སམ། 6.སོ་སོའི་ཕྱོགས་ལ་བདག་གིས་ཆོས་བཞིན་བསྒོ་བར་ནུས་སམ། 7.བདག་གིས་རྩོད་པ་འདི་ཇི་ལྟར་འདུལ་བ་དང་། ཇི་ལྟར་སྟོན་པས་བསྟན་པ་དེ་ལྟར་རྣམ་པར་ཞི་བར་ནུས་སམ། 8.རྒོལ་བ་དང་། ལན་གློན་པའི་དགེ་སློང་དག་བདག་གིས་མི་དགེ་བའི་གནས་ནས་བསླང་སྟེ་དགེ་བའི་ཕྱོགས་སུ་འཇོག་ནུས་སམ་སྙམ་པ་སྟེ་དེ་བརྒྱད་ཀྱིས་བདག་ཉིད་བརྟག་པར་བྱའོ། ། གཉིས་པ། གཞན་ལ་བརྟག་པ་རྣམ་པ་བརྒྱུད་ནི། 1.དགེ་འདུན་དེ་དག་གི་ནང་ན་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་ལྟ་བུ་འཛིན་པའི་དགེ་སློང་ལ་ཇི་ལྟར་བདག་གིས་རྒྱལ་བའི་གསུང་རབ་སྨྲས་པ་ལ་འཛིན་པར་འགྱུར་བ་ཡོད་དམ། 2.དེའི་ཚེ་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་ལྟ་བུ་འཛིན་པའི་དགེ་སློང་གང་གིས་རྩོད་པ་འདི་ཇི་ལྟར་ཆོས་བཞིན། 3.འདུལ་བ་བཞིན། 4.ཇི་ལྟར་སྟོན་པས་བསྟན་པ་དེ་ལྟ་བུར་ཞི་བར་བྱ་སྙམ་དུ་སེམས་པ་ཡོད་དམ། 5.དགེ་འདུན་དེ་དག་ལ་དགེ་སློང་གནས་བརྟན་དང་། བར་མ་དང་། གསར་བུ་དག་གིས་སོ་སོའི་ཕྱོགས་ཀྱི་དགེ་སློང་དག་ལ་ཇི་ལྟར་ཆོས་བཞིན་སླར་བཟློག་པར་བྱའོ། ། སྙམ་དུ་སེམས་པ་ཡོད་དམ། 6.ཅི་རྩོད་པ་དེ་རྒྱལ་པོའི་ཕོ་བྲང་དུ་འགྱེད་པར་འགྱུར་རམ། རིགས་པའི་རིགས་ལ་འགྱེད་པར་མི་འགྱུར་རམ། 7.ཅི། ཚེ་དང་ལྡན་པ་དེ་དག་རྩོད་པ་ཞི་བར་བྱ་བ་འདི་ལས་་རོལ་ཏུ་མི་ཚོལ་ལམ། 8.ཅི། ཚེ་དང་ལྡན་པ་དེ་དག་དགེ་འདུན་འདི་ཉིད་དུ་རྩོད་པ་ཞི་བར་བྱ་བ་ཚོལ་ལམ་སྙམ་པའོ། །
Tibetan Source	《འདུལ་བ་པ་པ་》ཤ་92བ་3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number